Misy raha ao

Antsirabe : Voasambotra ireo mpandroba sy mpanolana

Mercredi 1 Février 2012

Nanao sesilany ny fanafihana mitam-piadiana sy fanolanana ary ny vaky trao nanomboka tamin’ny faramparan’ny taona 2011.

Toerana 5 teto Antsirabe no nisehoan’izany, ka isan’ny tranga nanaitra ny maro tokoa ilay fanafihana tranona mpivarotra saribao tao Tomboarivo izay nahavery entana mitentina an-tapitrisany maro sy lelavola ary ny nanolanan’izy ireo tovovavy roa.

Taorian’ireo tranga nahazoana fitarainana maro dia tsy nitsahatra nisafo ny tanàna ireo polisy eto Antsirabe. Nisy ihany koa ny fanadihadiana sy fikarohana natao la ny 3 janoary teo dia naharay vaovao momba ireo andian-jiolahy izay mpiara-manao drafitra asa ratsy toy ny halatra, fanolanana, fakàna an-keriny, ireo polisy. Nitohy ny fikarohana ka efa nifanenjehana inefatra ireo lohandohan’ny mpisorona, saingy tafaporitsaka hatrany.

Naharaisana vaovao indray mikasika ireo jiolahy ireo, ny 26 janoary teo. Nisy ny fisamborana ka tratra tamin’izany ny roa lahy izay nivarotra ireo entana halatra tao Andranomaimbo. Izy ireo avy eo no nanoro ny namany telo hafa izay efa samy voatanan’ny polisy. Ny fanadihadiana natao azy ireo ihany no nahafantarana ieo namany sasany, ka isan’izany ny iray izay vao avy nivoaka ny fonja dia nahavita nanindrona antsy polisy.

Angola Ny Avo
N.R.

Nouveau commentaire :

Alerte Infos | Insolites et le-saviez-vous ? | Interviews | Communiqués | Photos galeries | Bons plans | Questions-Réponses | Vaovaom-piangonana | Recettes malgaches | Tout sur Air Madagascar | Contact | Chronique | Misy raha ao | Voyages, Tourisme à Madagascar | Mada en 1 clin d'oeil | Lu sur le Net | Codes promos | Mada infos régions | Soirées | Tv Gasy | Web radio | Vos agendas soirées et événements ici ! | Courrier des femmes | PPN | A la une | APFMada : Association "Agir pour les femmes à Madagascar" | Journal Télévisé RTA - Madaplus | Associations | Sponsors et partenaires du Big Mada White - Nuit Blanche 2016 | Retrouvez : infos et Communiqués Air Madagascar