Fifamoivoizana – Raikitra ny fanamboaran-dalana eto Antananarivo

Nanomboka tato ana-tin’ny andro vitsy izao ny fanamboarana ireo lalana simba eto an-drenivohitra. Ny kaominina Antanana­rivo renivohitra no miantoka ny vola ampiasaina amin’izany. 

Nambaran’i Zo Andriatsilavo, Tale teknika eo anivon’ny Cua fa ao anatin’ny roa volana no hanatanterahana izany asa momba ny fandrakofana tara ny lalana simba izany, araka ny toromarika avy amin’ny Pds Razafindravahy Edgard. “ Tokony efa ho vita ny asa any amin’ny faran’ny volana mey any, araka izay tokony ho izy fa tsy kitoatoa akory”, hoy iry tale iry.

Antony ara-teknika, dia ny firotsahan’ny orana, no nahatonga ny lalana tsy mbola nokitihina mihitsy aloha raha tsy izao efa manomboka miditra amin’ny main-tany izao isika. Ny fanamboarana efa mandeha, misy ihany koa ny lalana mihasimba, saingy nanome toky i Zo Andriatsilavo fa hanao ny ezaka rehetra ny Cua hampiasa ny fitaovana eo am-pelantanana mba hanatsarana hatrany ny lalana eto an-drenivohitra.

Faralala